ദോഹ: “ഷോപ് ആൻഡ് ഡ്രൈവ് വിൻ 25 എം.ജി കാർ” പ്രമോഷന്റെ ഭാഗമായി പ്രമുഖ ഹൈപ്പർമാർക്കറ്റ് ശൃംഖലയായ സഫാരിയുടെ മെഗാ പ്രമോഷൻ രണ്ടാമത്തെ നറുക്കെടുപ്പ് വിജയികളെ തെരഞ്ഞെടുത്തു. നാല് എം.ജി കാറുകൾക്കായുള്ള വിജയികളെ സൽവാ റോഡിലെ സഫാരി ഹൈപ്പർമാർക്കറ്റിൽ ബുധനാഴ്ച രാവിലെ നടന്ന ചടങ്ങിൽ ഖത്തർ വാണിജ്യ മന്ത്രാലയ ഉദ്യോഗസ്ഥൻ, സഫാരി മാനേജ്മെന്റ് പ്രതിനിധികൾ എന്നിവരുടെ സാന്നിധ്യത്തിൽ തെരെഞ്ഞെടുത്തു.
ഒന്നാം സമ്മാനമായ എം.ജി ആർ.എക്സ് എട്ട് 2024 മോഡൽ കാറിന് വിജയി കിഷ്ണറാമും രണ്ടാം സമ്മാനമായ എം.ജി 5 – 2024 കാറിന് സിയാദ്. എം, അഗൻ ബഹദൂർ ഘതാനെ, നബിൻ ഷാഹ് എന്നിവരും അർഹരായി. നാലു കാറുകൾ ആദ്യ രണ്ടു സ്ഥാനക്കാർക്ക് സമ്മാനമായി നൽകും. ഷോപ് ആൻഡ് ഡ്രൈവ് പ്രമോഷന്റെ മൂന്നാമത്തെ നറുക്കെടുപ്പ് സെപ്റ്റംബർ എട്ടിന് അൽഖോറിലെ സഫാരി ഔട്ട്ലെറ്റിൽ അരങ്ങേറും . സഫാരിയുടെ ഏത് ഔട്ട്ലെറ്റുകളിൽനിന്നും 50 റിയാലിന് ഷോപ്പിങ് നടത്തുമ്പോൾ ലഭിക്കുന്ന റാഫിൾ കൂപ്പൺ വഴി നറുക്കെടുപ്പിലൂടെ ഏതൊരാൾക്കും ഈ പ്രമോഷനിൽ പങ്കാളികളാകാവുന്നതാണ് എന്ന് കമ്പനി അറിയിച്ചു.