എ​ട്ട് റി​ക്രൂ​ട്ട്മെ​ന്റ് ഓ​ഫി​സു​ക​ൾ അടച്ചുപൂട്ടി മന്ദ്രാലയം

ദോ​ഹ: തൊ​ഴി​ലാ​ളി റി​ക്രൂ​ട്ട്മെ​ന്റും, സ്വ​ദേ​ശി​ക​ൾ​ക്ക് ആ​വ​ശ്യ​മാ​യ സേ​വ​ന​ങ്ങ​ൾ ല​ഭ്യ​മാ​ക്ക​ലും ഉ​ൾ​പ്പെ​ടെ പ്ര​വ​ർ​ത്ത​ന​ങ്ങ​ളി​​ൽ വീ​ഴ്ച​വ​രു​ത്തി​യ​തി​ന്റെ അ​ടി​സ്ഥാ​ന​ത്തി​ൽ എ​ട്ട് റി​ക്രൂ​ട്ട്മെ​ന്റ് ഓ​ഫി​സു​ക​ൾ​ക്കെ​തി​രെ ന​ട​പ​ടി സ്വീ​ക​രി​ച്ച് ഖ​ത്ത​ർ തൊ​ഴി​ൽ മ​ന്ത്രാ​ല​യം .

മ​ന്ത്രാ​ല​യ​ത്തി​ന്റെ നി​ർ​ദേ​ശ​ങ്ങ​ൾ പാ​ലി​ക്കു​ന്ന​തി​ലും പൗ​ര​ന്മാ​രു​ടെ പ​രാ​തി​ക​ൾ പ​രി​ഹ​രി​ക്കു​ന്ന​തി​ലും ഇ​വ പ​രാ​ജ​യ​പ്പെ​ട്ട​താ​യി മ​ന്ത്രാ​ല​യം ‘എ​ക്സ്’ പ്ലാ​റ്റ്ഫോം വ​ഴി പറഞ്ഞു.

റീ​ജ​ൻ​സി മാ​ൻ​പ​വ​ർ റി​ക്രൂ​ട്ട്മെ​ന്റ്, മ​ഹ​ദ് മാ​ൻ​പ​വ​ർ ക​മ്പ​നി, യു​നൈ​റ്റ​ഡ് ടെ​ക്നി​ക​ൽ സ​ർ​വി​സ്, അ​ൽ ജാ​ബി​ർ മാ​ൻ​പ​വ​ർ സ​ർ​വി​സ്, എ​ല്ലോ​റ മാ​ൻ​പ​വ​ർ റി​ക്രൂ​ട്ട്മെ​ന്റ്, ഗ​ൾ​ഫ് ഏ​ഷ്യ റി​ക്രൂ​ട്ട്മെ​ന്റ്, സ​വാ​ഹി​ൽ അ​ൽ അ​റേ​ബ്യ മാ​ൻ​പ​വ​ർ, റി​ല​യ​ന്റ് മാ​ൻ പ​വ​ർ റി​ക്രൂ​ട്ട്മെ​ന്റ് എ​ന്നി​വ​ർ​ക്കെ​തി​രെ​യാ​ണ് ന​ട​പ​ടി സ്വീകരിച്ചത്. റി​ക്രൂ​ട്ട്മെ​ന്റ് സ്ഥാ​പ​ന​ങ്ങ​ളു​മാ​യി ബ​ന്ധ​പ്പെ​ട്ട് തൊ​ഴി​ലു​ട​മ​ക​ൾ​ക്ക് മ​ന്ത്രാ​ല​യം ഹോ​ട്ട് ലൈ​ൻ ന​മ്പ​റാ​യ 16505ൽ ​പ​രാ​തി ന​ൽ​കാ​മെ​ന്ന് അ​ധി​കൃ​ത​ർ വീണ്ടും ജനങ്ങളെ ഓർമിപ്പിച്ചു.