സ്വദേശിവത്കരണം :പ്ര​വാ​സി തൊ​ഴി​ല​ന്വേ​ഷ​ക​ർ​ക്ക്​ ഇരുട്ടടിയാകും

ദോ​ഹ: ഖ​ത്ത​റി​ലെ സ്വ​കാ​ര്യ മേ​ഖ​ല​യി​ലെ ക​മ്പ​നി​ക​ളി​ലും സ്ഥാ​പ​ന​ങ്ങ​ളി​ലും സ്വ​ദേ​ശി പൗ​ര​ന്മാ​ർ​ക്ക്​ ജോ​ലി ഉ​റ​പ്പാ​ക്കാ​നു​ള്ള നി​ർ​ദേ​ശം നി​യ​മം​മൂ​ലം പ്രാ​ബ​ല്യ​ത്തി​ലാ​കു​മ്പോ​ൾ തി​രി​ച്ച​ടി​യേ​ൽ​ക്കു​ന്ന​ത്​ മ​ല​യാ​ളി​ക​ൾ ഉ​ൾ​പ്പെ​ടെ​യു​ള്ള പ്ര​വാ​സി​സമൂഹത്തിന്. അ​മീ​ർ അം​ഗീ​കാ​രം ന​ൽ​കി​യ 2024ലെ 12ാം ​ന​മ്പ​ർ നി​യ​മം ഔ​ദ്യോ​ഗി​ക ഗ​സ​റ്റി​ൽ പ്ര​സി​ദ്ധീ​ക​രി​ച്ച്​ ആ​റു​മാ​സം തി​ക​യു​​മ്പോ​ൾ പ്രാ​ബ​ല്യ​ത്തി​ൽ ആകും.

ഇ​തോ​ടെ തൊ​ഴി​ൽ മ​ന്ത്രാ​ല​യം നി​ർ​ദേ​ശി​ക്ക​പ്പെ​ടു​ന്ന സ്ഥാ​പ​ന​ങ്ങ​ളി​ലും ക​മ്പ​നി​ക​ളി​ലും വി​വി​ധ ത​സ്​​തി​ക​ക​ളി​ലെ ജോ​ലി​ക​ൾ സ്വ​ദേ​ശി​ക​ൾ​ക്കാ​യി മാറ്റിനിർത്തപ്പെടും. ഇ​തു​സം​ബ​ന്ധി​ച്ച്​ കൂ​ടു​ത​ൽ വി​ശ​ദാം​ശ​ങ്ങ​ൾ പി​ന്നീ​ട്​ അറിയിപ്പ് വരും. ഖ​ത്ത​റി​ൽ തൊ​ഴി​ൽ തേ​ടി​യെ​ത്തി​യ ഏ​റ്റ​വും വ​ലി​യ പ്ര​വാ​സി സ​മൂ​ഹ​മാ​യ ഇ​ന്ത്യ​ക്കാ​ർ​ക്ക്​ ത​ന്നെ​യാ​കും ഏറ്റവും വലിയ തി​രി​ച്ച​ടി​യാ​വു​ക.

എ​ട്ട​ര​ല​ക്ഷം ഇ​ന്ത്യ​ക്കാ​രാ​ണ് ഏ​റ്റ​വും ഒ​ടു​വി​ലെ ക​ണ​ക്കു​പ്ര​കാ​രം ​ ഖ​ത്ത​റി​ലു​ള്ള​ത്. മ​ല​യാ​ളി​ക​ളാ​ണ് അ​തി​ൽ നാ​ല​ര ല​ക്ഷ​ത്തോ​ളം പേ​ർ. ഏ​റെ​യും സ്വ​കാ​ര്യ മേ​ഖ​ല​ക​ളി​ൽ ജോലിചെയ്യുന്നവർ. സ്വ​ദേ​ശി​വ​ത്ക​ര​ണം സ്വാ​ഭാ​വി​ക​മാ​യും ക​മ്പ​നി​ക​ളി​ലെ​യും സ്ഥാ​പ​ന​ങ്ങ​ളി​ലെ​യും ഉ​ന്ന​ത ത​സ്​​തി​ക​ക​ളിലേക്കും ത​ദ്ദേ​ശീ​യ​ർ തി​ര​ഞ്ഞെ​ടു​ക്ക​പ്പെ​ടു​മ്പോ​ൾ വി​ദേ​ശി​ക​ൾ​ക്ക്​ തൊ​ഴി​ൽ ന​ഷ്​​ട​മാ​യി മാ​റും.