ഖത്തർ : ദേശീയ ഉൽപന്നങ്ങളെ പ്രോത്സാഹിപ്പിക്കാൻ വേണ്ടി കൊറിയയിൽ നിന്നും ഇന്ത്യയിൽ നിന്നുമുള്ള ചില തരം കാർ ബാറ്ററികളുടെ ഇറക്കുമതിക്ക് ഫീസ് ചുമത്തും.
ദേശീയ ഉൽപ്പന്നങ്ങളുടെ മത്സരക്ഷമതയെ പിന്തുണയ്ക്കുന്നതിനും അന്താരാഷ്ട്ര വ്യാപാരത്തിലെ ഹാനികരമായ സമ്പ്രദായങ്ങളെ ചെറുക്കുന്നതിനുമുള്ള വാണിജ്യ-വ്യവസായ മന്ത്രാലയത്തിൻ്റെ ശ്രമങ്ങളുടെ ഭാഗമായി, വാണിജ്യ-വ്യവസായ മന്ത്രി ശൈഖ് മുഹമ്മദ് ബിൻ ഹമദ് ബിൻ ഖാസിം അൽ താനി ഇറക്കുമതി ഫീസ് ചുമത്താനുള്ള തീരുമാനങ്ങൾ പുറപ്പെടുവിച്ചു. -റിപ്പബ്ലിക് ഓഫ് കൊറിയയിൽ നിന്നും റിപ്പബ്ലിക് ഓഫ് ഇന്ത്യയിൽ നിന്നും നിർമിക്കുന്നതോ കയറ്റുമതി ചെയ്യുന്നതോ ആയ ചില തരം കാർ ബാറ്ററികൾകാണു തീരുവ ചുമത്തുക.
റിപ്പബ്ലിക് ഓഫ് കൊറിയ നിന്ന് നിർമിക്കുന്നതോ കയറ്റുമതി ചെയ്യുന്നതോ ആയ (35) മുതൽ (115) ആമ്പിയർ വരെ ശേഷിയുള്ള ഇലക്ട്രിക് അക്യുമുലേറ്ററുകളുടെ (കാർ ബാറ്ററികൾ) രാജ്യത്തിൻ്റെ ഇറക്കുമതിക്ക് അന്തിമ ആൻ്റി-ഡമ്പിംഗ് തീരുവ ചുമത്തിക്കൊണ്ട് 2024-ലെ തീരുമാനം നമ്പർ (21) ഹിസ് എക്സലൻസി പുറപ്പെടുവിച്ചു.
റിപ്പബ്ലിക് ഓഫ് ഇന്ത്യയി നിന്ന് (32) മുതൽ (225) ആമ്പിയർ വരെ നിർമിക്കുന്നതോ കയറ്റുമതി ചെയ്യുന്നതോ ആയ ഇലക്ട്രിക് അക്യുമുലേറ്ററുകളുടെ (കാർ ബാറ്ററികൾ) രാജ്യത്തിൻ്റെ ഇറക്കുമതിക്ക് അന്തിമ ആൻ്റി-ഡംപിംഗ് തീരുവ ചുമത്തുന്ന 2024 ലെ തീരുമാനം നമ്പർ (22) മന്ത്രിയും പുറപ്പെടുവിച്ചു.
